"انضم إلى منصة "جبهذ" أول منصة تواصل عربية لتسهيل الحصول على المعلومات القانونية
الأستشارات القانونية المضافة
أهم الاستشارات
محتاجة مساعدة ف استشارة دلوقتى أنا متجاوزة بقالى سنة وزوجى بيبدد ف قايمتى وبيبيع علشان يسد ديون اخوه ومش بيصرف ومشاكل كتير، لو هعمل خلع هعرف اخد حق حاجتى ولا خلاص كده ويبقى جنح ولا أسرة والوقت هيكون اد ايه
السلام عليكم لو سمحتو انا عندى بنت وحيده و عايز اكتبلها الشقه باسمها و تكون والدتها الواصي عليها ممكن اعرف صيغه العقد و الام الابتمضي علي العقد ولا بيكون باسم البنت و ينكتب بولايه والدتها
ارجو الرد قانون او عن تجربه انا جوزي اتجوز عليا لما عييت ما بقتش قادره اشتغل فاتجوز موظفهعشان تصرف عليه من قعدت استلف على عيالي لحد ما بقاش في مكان استلف منه رجعت له العيال ورحت بيت ابويا عايزه اعرف اخذ حقي منه ازاي معايا قايمتي بعد جواز 20 سنه واثبت حقوق ازاي عشان بس الاقي فلوس اكل بيها واجيب علاجيا
انا بعت عربيه ١٢٨ من سنة بعقد مسجل واللي اخدها راكنها والرخصة انتهت.. والعقد لسه معايا والرخصة معايا ..لان لسه باقي مبلغ. كدة انا عليه مشكلة مع الحكومة ولا حاجة
مساء الخير عندي مشكلة مع شغلي القديم اني قدمت استقالة لما جيت امشي والمفروض انهم كانوا مفهمني انهم قبلوها .. بس لاقيت محضر جايلي اني المفروض ادفعلهم غرامة ١٢٠ الف جنيه او هياخدوا إجراءات قانونيه .. ياريت لو حد يقدر يساعدني لاني مش عارف المفروض اعمل ايه. وشكرا مقدما
عاوزة اعرف معلومه.. انا مطلقه وطليقي هيسافر بره مصر.. هل لو سافر يبقا كدة مش هيبعت نفقه بنتى.. ممكن يعنى يتهرب من النفقه.. مع العلم هو بيفاصل فى النفقه بمعنى.. الاتفاق بيقول 1500نفقه وهو عاوز يبعت الف فقط وبيقول اصبري عليا 4شهور وانا نبعتلك 1500 وبعدين علمت ان هو هيسافر بره... ازاى اخد إحتياطي...... ــــــــ رجاءً الرد للضرورة وياريت حد يفيدني بجد
لو سمحتوا يا جماعة بعد اتمام سن الحضانة ١٥ سنة هل يحق للزوج استرداد مسكن الزوجية والاولاد ترفع اجر مسكن ويخرجني من الشقة صح كده
لو فى حد رافع قضية تعويض رؤيه بسنه ونص متوصلين والمطلقة مابتحضرش الرؤيه من ٢٠١٤ والقاضى طلب افادة بحضورها الافادة اثبتت انها لم تحضر من تاريخ حكم الرؤيه حتى الان القاضى هايحكم بمبلغ كويس يخليها تتعدل وتجيب البنت فى الرؤيه ولا هايحكم بحاجة بسيطة
حصل طلاق غيابي بتاريخ ٧ اكتوبر والزوجه رفعت دعوه نفقه زوجيه يوم ١٥ اكتوبر بدون دخول ولا خلوه شرعيه.. هل هيتحكم ليها بنفقه؟
لو سمحتم اتحكم ل زوجتي وطفلين اجر المسكن ١٠٠٠ غير النفقة دلوقتي هي اللي سايبة البيت ب مزاجها وفي محاولات صلح كتير من جهتي وهي رافضة مش ده يلغي اجر المسكن ليها ؟ ارجو الافادة
هل التنازل عن شقه للابن بيندفع عنده ضرائب عقاريه ؟
رفعت نفقة ليا و للصغير و أخدت حكم بـ ٩٠٠ ج لنا ، عملت استئناف للزيادة ، في جلسة الاستئناف محامي الزوج عمل استئناف فرعي ،، الزوج كان مسافر ٢٠ سنة بره و من سنة استقر في مصر و له حسابات بنكية و بيوت بس صعب اثبت ملكية البيوت لأنها في مدينة جديدة بيع وشراء بتوكيلات يعني ايه استئناف فرعي ؟ و ازاي اثبت كل دا علشان ازود النفقة ؟
لو الزوج عليه حكم نفقة وعايز يبعت الفلوس لمراته ويعملها انذار عرض نفقة بس الزوجة مسافرة خارج مصر ايه العمل دلوقتي؟؟ يبعت الفلوس ازاي
هل يجوز للمطلقه رفع دعوة ضم واثبات لبنت عمرها ١٦ سنه يلغى ولايه الاب عليها ويعطى للام حق الولايه بدل منه
لو أم معندهاش سكن ولا تقدر تاجر شقه وعايشه مع بنتها في شقه ملك للاب لو الطفله طالبت بإيجار بعد ما تكمل ١٥ سنه بيكون نفس مستوى الشقه بتاعتك باباها إللي اتربت فيها؟
استشاره مراتي رفعت قضيه نفقه من اربع سنين دون علمي لان المحضر وقتها لما جبنا ورقم القضيه سلم الاعلان لبنتي وعمرها كان ١٢ سنه واكتشفت القضيه بالصدفه اليومين دول ايه وضع الحكم اللس خدته عليا من ٤ سنين وهل اقدر اطعن عليه لان الاعلان اتسلم بطريقه غير صحيحه
ابني عنده 14 سنه و أبوه محبوس واخد احكام كتير وانا اتجوزت و عاوزه اسافر بره مصر واخد ابني معايا ايه الحل القانوني
السلام عليكم ورحمه الله وبركاته أنا متزوجة ومعايا طفل عمر سنتين ف أقل وحامل دلوقتى والزوج تعدى عليه بالضرب بسبب انى بقول له عايزة شريط علاج وزجاجة دواء للطفل وطلع أهل الزوج تانى يوم صباحا والد الزوج وام الزوج واخت الزوج والسلفه للتعدى عليه وطردى من الشقة مع العلم أنا بتعرض للسرقة من يوم ما دخلت البيت ده وانسرق منى خاتم 6.3جرام من الذهب والباقى تم بيعه وصرفه على الطفل فى الحاضنه ومعايا فواتير ب كده وفى شهود ودلوقتى هم اتعرضوا ليه وطردونى من الشقة انا وابنى الصغير من غير لا ملابس أو أى شىء والجيران حولت تتدخل من الرجاله ومفيش فايدة وأخذوا منى الموبيل ومبلغ 3500ج جمعية من شقايه دلوقتى لو رفعت القيمة هل هاخد الدهب والنفقة ايه ظروفها مع العلم أن طليقته رفعه عليه قواضى لان معاه طفلين ومبهدله فى المحاكم ومدفعهم دم قلبهم
هل لو الست عرضت ترجع بيتها عشان خايفة تاخد حكم نشوز والزوج شافلها شقة . هل في الحالة دي ملهاش نفقات بحكم انها في بيت الزوجية ؟
السلام عليكم ورحمة الله وبركاته استفسار بخصوص حواله استلمتها بأسمي .. لزميل عمل في أول العام ٢٠٢٣ بحجه أن بطاقته منتهيه ومش هيقدر يتعامل مع البنك .. فاستأذني يحولها عليا واستلمهاله.. وتم بعد يجي ٧ شهور اتفاجئ اليوم برقم سعودي باعتلي عالواتس بيطلب رد المبلغ!! وأنه صبر كتير عليا أنا وفلان .. وأنه أما ارده أو هيتخذ إجراء قانوني ضدي لأن الايصالات باسمي .. وانا حرفيا مليش زنب فاي شئ .. ولا أعرف اصلا ايه الشغل بينهم المبلغ يعادل مصري اكتر من ١٠٠ الف يعني قسم ضهر.. و اقسم بالله والله وصلت الامانه لزميلي فساعتها بس مخدتش عليه أي ورق يثبت الكلام ده للاسف .. الا بعض رسائل واتس معاه فالسؤال -هل عليا مسؤوليه قانونيه فعلا ؟ يقدر يؤذيني بايصالات التحويل !؟ -هل في اي اجراء اقدر احمي بيه نفسي من الموضوع ده .. علما بان والله ما حكيته هو ما حدث و زميلي مختفي مش عارفله طريق .. اغيثوني