"انضم إلى منصة "جبهذ" أول منصة تواصل عربية لتسهيل الحصول على المعلومات القانونية
الأستشارات القانونية المضافة
أهم الاستشارات
لو سمحتوا يااساتذه جنحة تبديد عهدة فيها ادعاء مدنى تم الحكم فى اول درجة حضورى شهر حبس تم عمل استئناف وتم سداد الكفالة وفى الاستئناف بالرغم من قوة الادلة لبراءة المتهم وتقديم تسجيلات تقر فيها المدعى بالحق المدنى بعدم صلة المتهم بالواقعة المحكمة قررت تاجيل الدعوى للتصالح بالرغم ان المتهم لم يطلب التصالح مع المدعى بالحق المدنى كما ان المدعى بالحق المدنى رفض التصالح الا لو سدد المتهم مبلغ مالى الان لو المتهم حضر الجلسه القادمة بدون تصالح المحكمة هتايد الحكم السؤال هل يجوز عدم الحضور وبعد تاييد الحكم نكسب وقت لغاية تغيير الدايرة ؟ وهل لو ده نفع ايه مصير الدعوى المدنية اللى اكيد هياخدوا فيها حكم ؟
هو ينفع اسوق سيارة بيك اب (ونيت) مرخصة نقل باسمي برخصة القيادة الخاصة درجة تالتة
استشاره بيعت شقه إسكان قومي دافع 9 سنوات و باقي 11 سنه بتوكيل بيع للنفس و للغير والتعامل مع البنك للمشتري المشتري رافض يدفع الأقساط هل في ضرر عليا مع العلم انا ماضي على 24 شيك للبنك
لو سمحتوا يا جماعه ردوا عليا ضرورى أنا زوجى اتخانق مع واحد واتهمه بالسرقه وجوزى اخدت ٦ شهور غيابى وبعدين استأنفنا الحكم واخد براءه وبعدين النيابه استأنفت حكم البراءه والمحامى قاله احضر والقاضى اعطاله سنتين حبس ايه اللى مفروض يحصل
الساده الافاضل. عندي شقه عاوز أجرها لمستاجر تساعد في المعيشه وانا. انقرصت من قبل. في مستأجر. طلع عيني إيه. اسلم طريقه. متبهدلش في المحاكم. والقضايا.
السلام عليكم، بنت يتيمه والدها ساب لها ورث مع عمها والمحل ايجار قديم ومعمول بينهم شركه تضامن وعمها اكل نصيبها رفعت قضيه كشف حساب واتحكم فيها بمبلغ يومي ١٥ جنيه يوميه ليها و ده طبعا ظلم جداااا و المحل في مكان تجاري جدااااا علي الاقل مكسب المحل في اليوم ٢٠٠٠ جنيه تعمل اه بعيد عن المحاكم عشان تاخد حقها او لو في طريقه اخري عن طريق المحاكم تجبلها حقها. بطريقه سريعه عشان قضيه كشف الحساب. عقبال ما بيتحكم المده فيها بتقعد سنين ويتظلمها في حقها وهي مش بتشتغل وزوجها متوفي وملهاش اي حد ومعاه ثلاث اطفال منهم طفلين معاقين بالله اللي عنده حل ومتأكد منه يقول وجزاكم الله كل خير
سلام عليكم عاوزة اعرف هل في قضية او محضر او اى حاجة اتخذها ضد اهلى عشان اعيش لوحدي بعيد عنهم ومن غير تجريح لو سمحتم عشان ربنا وحده اعلم بالنار اللى انا فيها؟
هل المرأة المتزوجه فى حاله الحمل لو عليها حكم حبس يؤجل تنفيز الحكم لحين الوضع ام لا
السلام عليكم لو سمحتو معايا متجمد نفقة واعلنت جوزى علي العنوان المقيم فيه رفض الاستلام وطلب الاعلان علي العنوان اللي في البطاقة ولو اعلنته علي عنوان اللي في البطاقة هو مش مقيم هناك كدة مش هعرف اعمل دعوة حبس الا لما يمضي واذا ما مضاش خلاص كدة مافيش حل تاني؟
سؤال للسادة المحامين ، عاوز انفذ حكم حبس على حرامي سرق مني حاجه ، عشان أجبره يرجعها أو يدفع ثمنها ... اعمل ايه ؟!.. مكتب التنفيذ بيقولي محدش فاضي ينزل يقبض عليه و كل ما اروح للمباحث محدش موجود من الضباط و كلمت المخبر قالي أما حد من ضباط المباحث يطلب منه ... بيقولي ميقدرش يقبض عليه الا اما الضابط يقوله !!
انا قاعد ف شقه باسم امي وامي رفعت قضيه طرد لانها ماجرالي الشقه وحصلت مشاكل بين مراتي واهلي والموضوع كبر وانا عايز اطلق وفي طفل هل التمكين هيتنفذ حتي لو في طرد صادر قبل التمكين مع العلم ان الشقه باسم امي وعليها صحه توقيع
جماعة لو سمحتوا لو هشترى حاجة بتقسيط شقة مثلا أنا كمشترى اضمن ازاى أن بائع مايرجعش عليا بفسخ عقد ف يوم ما
جماعة لو سمحتوا لو هشترى حاجة بتقسيط شقة مثلا أنا كمشترى اضمن ازاى أن بائع مايرجعش عليا بفسخ عقد ف يوم ما
اخويا انفصل عن زوجته هى عملت خلع وفضلت فى الشقه ورفعت قضايا كتير منها الفرش طبعا واخدت حكم عليه سنه وعملت قضايا كتير وحصلت مشاكل بسبب النفقه كمان طبعا لأنها اوفر المهم دلوقتى هو عايز يحل معاها ويوفر لها شقه وتسيب الشقه لأنها فى بيتى وانا محتاجه البيت وهى رافضه اى حلول وعايزه يمضى وصل امانه وهو رافض المفروض يكون ايه الحل اللى يثق فيه الطرفين أنه هيدفع وأنها مش هترفع قضايا تانى وتفضل تعلى النفقه هى صعبه ورافضه اى حلول وعايزه الشقه والنفقه وكل حاجه وهو مصمم أنه يدفع بالمعقول ومقلق منها لان هى ممكن ترفع قضايا تانى حتى لو اتفقوا
بشتري شقة ورثه العقد تاريخه سنة ٢٠٠٠ والتوكيل اللي الراجل بايع لزوجته تاريخه ٢٠٠٤ ولما سألت قالوا ان في البداية الوالد اشتري الشقة باسمه وبعدها لما حب يكتب الشقة لزوجته تواصل مع المالك الاصلي عمله توكيل وبناء عليه عمل عقد البيع بنفس تاريخ الشراء الفعلي هل ده ينفع
ايه القضايا إلى ممكن ارفعها لو عايزة أطلق لان جوزى مش عايز يطلقنى وانا مش عايزة منه غير حاجاتى إلى اشترتها بفلوسى وموجودة عنده وانا معايا قائمة فيها العفش كله بس انا عايزه حاجتى بس وانا معنديش اولاد وهل المجلس القومي للمرأة ممكن يساعدني ؟
بالله عليكم ردوا عليا بيتي هيتخرب وياريت محامي يرد عليا .. أنا متزوج ومعايا 3 أطفال كنت كاتب قايمه ب60 الف .. مراتي زعلانه عند أهلها وشارطين علشان ترجع أكتبلها نفس محتويات القايمه ولكن بسعر اليوم 400,000 .. هو ده عادي ولا إيه .مع العلم أن أهل مراتي ملهمش أمان .. أشكر حضراتكم علي سعة صدوركم لي
السلام عليكم ورحمة الله وبركاته لو سمحتم حد من الاستاذه المحترمين يفيدنى شروط عقد الهبه لو هعمله لاخويا عشان يكون صحيح وهل بتثمن فيه سعر العقار وهل يكون عليه ضرائب تصرف عقارى و هو لو باع بيكون علينا ولا عليه بعد هذا العقد وشكرا مقدما ليكم
السلام عليكم انا كنت هارب من السعوديه لأن كفيلي كان ظالم وعرفت انو اشتكاني في الانتربول أن سرقته ودا محصلش وانا مطلوب لنيابة التعاون الدولي هل في مشاكل عليا ولا اروح اشوف في ايه
يا جماعة الخير هل إذا الزوج اتحكم عليه بالحبس في القايمة ونفذ الحبس ده يلغي حق الزوجة في القائمة خلاص طالما نفذ؟ ولا الحكم بالحبس لا يلغي الحق في استراد القايمة، ويحق للزوجة شكوته من جديد بعد قضاء الحبس حتى السداد؟ ولا ده ماينفعش وسقط حقها لأنه يا الدفع يا الحبس وهو اختار الحبس ولا يجوز توقيع عقوبتين ع نفس الجريمة؟ وايه الحالات اللي بيتم فيها الحجز ع أملاك الزوج لسداد قيمة قايمة المنقولات؟