"انضم إلى منصة "جبهذ" أول منصة تواصل عربية لتسهيل الحصول على المعلومات القانونية

جهبذ

هي منصة تواصل عربية تعمل على تسهيل الحصول على المعلومات القانونية الخاصة بكل بلد من البلدان المشتركة من خلال شبكة من المحامين والاخصائيين القانونيين ذوي الخبرة عن طريق تقنيات تواصل حديثة تعنى بدقة المعلومات وصحتها وفهرستها بطريقة احترافية مع الحرص على الخصوصية اللازمة وسهولة الاستخدام.

افتح حسابك بطريقة سلسة

املأ بيانات فتح حساب من علي التطبيق و انت في راحة منزلك

الدعم الفني للمستخدمين

فريق الدعم الفني متوفر لمساعدتك وللرد علي أي أسئلة والتعامل مع أي مشكلة قد تواجهك في أسرع وقت .

تأمين بياناتك

نعمل بنظام متقدم متعدد العوامل للمصادقة والذي يضمن أمن وسرية كافة بياناتك وعملياتك.

اعرف خدمات التطبيق

واجهة منصة جهبذ

الأستشارات القانونية المضافة

أحدث استشارات الاعضاء

سؤال

Marim
2024-04-03

انا متزوجه وعندي 57 سنه وزوجي عنده 60سنه وطول عمري وانا اللي شيله شيلتي علشان هو متجوزني مطلقه ومعايا تلات عيال وهو اخد علي اني انا اللي اصرف مااعترضتش وبصرف حتي علي ابنه الوحيد مريض ثلاثيميا وبينقل دم علي طول جوزت بناتي من زوجي الاول لوحدي بنتين ومحطش جنيه واحد في جهاز بناتي وبعد كده عرفت انه بيخوني من وانا عندي 30 سنه وهو خاين وكنت بتغاضي وهو يقول مش هعمل كده تاني واسكت عشان ابني اللي خلفته منه ودلوقتي بعد العمر دة كله اكتشفت انه بردة بيخوني قفشته على الواتس وهو كتبلها وكان بيروح لها الشقه هونقاش وكان بيشتغل عندها ومن ساعه ماعرفت وانا علي طول بتخانق معاه واقول له طلقني يقولي اتنازلي عن كل حاجه وفي الاخر ضربني علي دماغي خلي عينيه الاتنين نزل فيهم دم روحت عملت محضر وعرضوني علي المستشفى وعملت تقرير طبي بكل الحاجات دي والضابط بيقولي شوفي حد يروح محكمة الاسره ويتعامل علشان تاخدي حقك انا معرفش محامي ومش عارفة هيخدو اتعاب اد ايه وايه اللي هيتم في موضوعي ده لانه بيهددني بيقولي لو عملتي حاجه هوقف لك كل اللى هتعمليه عندي وسطه ارجوكم حد يفيدني ويقولي اعمل ايه اسفه اني طولت عليكم

بدون اسم
2024-03-14

هل يحصل العامل في القطاع الخاص على مكافأة نهاية الخدمة في حالة الاستقالة

أسامه عرابي
2024-02-27

الرجاء افادتي بأي معلومة عن كيفية حساب نفقة الزوجة وطفلين في حالة امتناع الزوج عن الإنفاق علما بأن الزوج موظف ولديه أملاك وعقارات مشتركه مع اخوته وكم المدة التي تستغرقها المحكمة ف الحكم وهل الأحكام واجبة النفاذ ام صعب تنفيذها وشكرا ارجو الافادة

ahmedlatif
2024-02-02

السلام عليكم ورحمة انا ولدتى محتاجة تسجل قسيمة الجواز بتاعتها ومعاهاش غير صورة قديمة قوى والأصل مش لاقينه فى المحكمة ولا اى حته ومش راضين يوثقوها غير بأصل الجواز كان من 30 سنة ومش لاقين الاصل فى حته قالولنا الأوراق ضاعت ايام الثورة وابى متوفى نعمل ايه

مصطفى محمد
2024-02-02

لو سمحتوا يااساتذه جنحة تبديد عهدة فيها ادعاء مدنى تم الحكم فى اول درجة حضورى شهر حبس تم عمل استئناف وتم سداد الكفالة وفى الاستئناف بالرغم من قوة الادلة لبراءة المتهم وتقديم تسجيلات تقر فيها المدعى بالحق المدنى بعدم صلة المتهم بالواقعة المحكمة قررت تاجيل الدعوى للتصالح بالرغم ان المتهم لم يطلب التصالح مع المدعى بالحق المدنى كما ان المدعى بالحق المدنى رفض التصالح الا لو سدد المتهم مبلغ مالى الان لو المتهم حضر الجلسه القادمة بدون تصالح المحكمة هتايد الحكم السؤال هل يجوز عدم الحضور وبعد تاييد الحكم نكسب وقت لغاية تغيير الدايرة ؟ وهل لو ده نفع ايه مصير الدعوى المدنية اللى اكيد هياخدوا فيها حكم ؟

مصطفى محمد
2024-02-01

هو ينفع اسوق سيارة بيك اب (ونيت) مرخصة نقل باسمي برخصة القيادة الخاصة درجة تالتة

احمد النشابي
2024-02-01

استشاره بيعت شقه إسكان قومي دافع 9 سنوات و باقي 11 سنه بتوكيل بيع للنفس و للغير والتعامل مع البنك للمشتري المشتري رافض يدفع الأقساط هل في ضرر عليا مع العلم انا ماضي على 24 شيك للبنك

احمد النشابي
2024-02-01

لو سمحتوا يا جماعه ردوا عليا ضرورى أنا زوجى اتخانق مع واحد واتهمه بالسرقه وجوزى اخدت ٦ شهور غيابى وبعدين استأنفنا الحكم واخد براءه وبعدين النيابه استأنفت حكم البراءه والمحامى قاله احضر والقاضى اعطاله سنتين حبس ايه اللى مفروض يحصل

بدون اسم
2024-02-01

الساده الافاضل. عندي شقه عاوز أجرها لمستاجر تساعد في المعيشه وانا. انقرصت من قبل. في مستأجر. طلع عيني إيه. اسلم طريقه. متبهدلش في المحاكم. والقضايا.

ahmedlatif
2024-01-30

السلام عليكم، بنت يتيمه والدها ساب لها ورث مع عمها والمحل ايجار قديم ومعمول بينهم شركه تضامن وعمها اكل نصيبها رفعت قضيه كشف حساب واتحكم فيها بمبلغ يومي ١٥ جنيه يوميه ليها و ده طبعا ظلم جداااا و المحل في مكان تجاري جدااااا علي الاقل مكسب المحل في اليوم ٢٠٠٠ جنيه تعمل اه بعيد عن المحاكم عشان تاخد حقها او لو في طريقه اخري عن طريق المحاكم تجبلها حقها. بطريقه سريعه عشان قضيه كشف الحساب. عقبال ما بيتحكم المده فيها بتقعد سنين ويتظلمها في حقها وهي مش بتشتغل وزوجها متوفي وملهاش اي حد ومعاه ثلاث اطفال منهم طفلين معاقين بالله اللي عنده حل ومتأكد منه يقول وجزاكم الله كل خير

احمد النشابي
2024-01-30

سلام عليكم عاوزة اعرف هل في قضية او محضر او اى حاجة اتخذها ضد اهلى عشان اعيش لوحدي بعيد عنهم ومن غير تجريح لو سمحتم عشان ربنا وحده اعلم بالنار اللى انا فيها؟

بدون اسم
2024-01-30

هل المرأة المتزوجه فى حاله الحمل لو عليها حكم حبس يؤجل تنفيز الحكم لحين الوضع ام لا

بدون اسم
2024-01-30

السلام عليكم لو سمحتو معايا متجمد نفقة واعلنت جوزى علي العنوان المقيم فيه رفض الاستلام وطلب الاعلان علي العنوان اللي في البطاقة ولو اعلنته علي عنوان اللي في البطاقة هو مش مقيم هناك كدة مش هعرف اعمل دعوة حبس الا لما يمضي واذا ما مضاش خلاص كدة مافيش حل تاني؟

بدون اسم
2024-01-30

سؤال للسادة المحامين ، عاوز انفذ حكم حبس على حرامي سرق مني حاجه ، عشان أجبره يرجعها أو يدفع ثمنها ... اعمل ايه ؟!.. مكتب التنفيذ بيقولي محدش فاضي ينزل يقبض عليه و كل ما اروح للمباحث محدش موجود من الضباط و كلمت المخبر قالي أما حد من ضباط المباحث يطلب منه ... بيقولي ميقدرش يقبض عليه الا اما الضابط يقوله !!

بدون اسم
2024-01-30