"انضم إلى منصة "جبهذ" أول منصة تواصل عربية لتسهيل الحصول على المعلومات القانونية
الأستشارات القانونية المضافة
أهم الاستشارات
يا جماعة الخير هل إذا الزوج اتحكم عليه بالحبس في القايمة ونفذ الحبس ده يلغي حق الزوجة في القائمة خلاص طالما نفذ؟ ولا الحكم بالحبس لا يلغي الحق في استراد القايمة، ويحق للزوجة شكوته من جديد بعد قضاء الحبس حتى السداد؟ ولا ده ماينفعش وسقط حقها لأنه يا الدفع يا الحبس وهو اختار الحبس ولا يجوز توقيع عقوبتين ع نفس الجريمة؟ وايه الحالات اللي بيتم فيها الحجز ع أملاك الزوج لسداد قيمة قايمة المنقولات؟
هل من حق الجيران ان يتفقوا علي منع ساكن من أخذ مفتاح باب العماره الذي يغلق ليلا بحجه انه يوجر شقته مفروشه رغم انه ملتزم بالإجراءات القانونيه مما يثير المشاكل وما الإجراء المفروض اتخاذه
لو سمحت حد يرد ضروري دلوقت بجيب قرض ومعايا عقد ايجار بس منتهي البنك عاوز عقد جديد بس متسجل عملت العقد المطلوب ايه حد قالي اعمل صحه ونفاذ فممكن حد يقولي المطلوب ايه
مأجر شقة بعقد ٥٩ مثبوت فيه المدة بتواريخها بداية من ٢٠١٣ ، والمالك باع لمالك تاني والعمارة غير مرخصة وغير مسجلة شهر عقاري ،ولكن اتعملها تصالح ، وكاملة المرافق ، هل يجب عليا كمستأجر اني اسجل العقد في الشهر العقاري ، مع العلم معملتش ولا صحة توقيع ولا اثبات تاريخ ولا الكلام دة كله ، وكمان مغيرناش العقود والوصل بيطلع باسم المالك الجديد ، لاني سمعت ان العقد الطويل لو متسجلش خلال ٩ سنين فمن حق المالك يسترد الشقة ، اية الخطوة اللي لازم اعملها ؟
ايه هو افضل سبب لطلب الطلاق بتكسب القضيه بسرعه
مساء الخير انا كنت شغاله فى شركه والاونر اتعامل معايا بطريقه مش حلوه وكان بيهددنى انه ممكن يهكر تلفوني وممكن مايدنيش مرتبي ومش هاعرف اتصرف معاه علشان يعرف وزير الداخليه بصفه شخصيه وخصم مني مبلغ مالى بدون وجهه حق وقت القبض وباللفظ كده بيقولى اللى جاى عليكي كله سواد. انا ماعرفتش ارد عليه ومشيت من الشغل بس عملت شكوى فى مكتب العمل ليه وبعتلى ناس البيت عندي بيهددوني ان هايحصل مشاكل كبيره وعملت محضر عدم تعرض الفكره كلها ان انا مشيت ومعايا اصول ورق من الشركه خاصه بالتامينات وعارفه ازاى اسلمها للشركه مع اثبات انه استلمها وازاى احمى نفسي من اى مسائله قانونيه
لو واحده قاصده تشتمني عن طريق لينك اغنيه في تلميحات لسلوك منحرف اقدر اشتكي ولا ده كلام فارغ ما يتخدش بيه
لو سمحتوا لو ايصال أمانة مكتوب كله بالكمبيوتر وعليه توقيع الشخص اللي اخد الفلوس فقط كدا قانوني وينفع ولا لو مسددش وقدمته للمحكمة ممكن ياخد براءة
من فضلكم عندي مستأجر سوداني قفلي الشقه ومشي ومش يرد علينا. والعقد بينص اذا تأخر عن دفع الإيجار يتم التنفيذ دون اللجؤ لحكم قضاء
السلام عليكم ورحمه الله وبركاته ممكن اسال على حاجه لو حد مر بتجربة زى بتاعتى انا رفعت قضيه إثبات طلاق على زوجى طلقنى الطلقه ال3 ومبعتليش ورقتى وكل حاجه عندو من ٦شهور كان عندى جلسه امبارح الحكم والقرار بكره هوا دا عادى يكون الحكم في يوم والقرار ف يوم را فعه إثبات طلاق ومنقولات ونفقه مش معايا منو اطفال لو حد يعرف اى السبب في تأجيل الحكم ليوم تانى وممكن تاخد اى ف المحكمه وحاجتى تطلع من عندو والقضيه تخلص خالص ممكن لو حد مر بتجربة زى دى يقولى
انا سبت ولادى لجوزى من 4 سنين واتطلقت واتجوزت تانى ورفعت رؤيه واتحكم ليا بس خايفه من العيال انهم يشتمونى او يضربونى فهل دا ممكن يحصل واذا حصل ايه الاجراء اللى ممكن اتخذه
لو سمحتوا لو هطلق غيابي مراتي حامل ايه الي اقدر اعمله علشان اطلق واديها جميع حقوقها والتكلفة كام لدعوة الطلاق الغيابي
اخويا شاف توكتوك مستعمل بسيط واشتراه من معرض والمعرض عمل له مبيعه باسم المعرض واخويا دفع كل فلوسه والتوكتوك صاحبه الأصلي مش راضي يتنازل عنه هو كان جيبه من تساهيل وتراكم عليه اقساط وعرضه في المعرض الحل ايه ممكن محامي يرد علينا
السلام عليكم محتاج استشارة قانونية بلاقي ناس كتير علي النت بتدور ع شقق للايجار ف مناطق معينة هل لو انا وفرتلهم الشقق دي ونزلت معاهم معاينات والايجار تم وده طبعا هيكون بعد ما اسجل نفسي كوسيط عقاري واعمل بطاقة ضريبية وسجل تجاري هل فيه اي مسئولية قانونية او جنائية ممكن اتعرض لها بشكل او أخر يعني هل هكون مسئول عن اي حاجه بعد كتابة عقد الايجار ولا اي حاجه تحصل بعد كتابة العقد انا مليش دعوة بيها
لو سمحتوا ينفع ارفع دعوي خلع بدون ما يعرف الزوج لاني عرفت ان المحكمه بتعمل جلسات صلح وانا مش عايزه صلح
السلام عليكم حمايا توفي بعد ابوه وأمه وعنده بنتين بس ومكنش مضي علي عقد قسمه كان عملوه اخواته كمان راح عمل استئناف عليه وأصبح غير ساري في حقه اي الحل عشان نوفق أوضاع البنات وامهم مع اخواته في نصيب ابوهم من جدهم وستهم اي الحل القانوني المناسب ليهم
عملت اعتراض على انذارالطاعة وطلبت طلاق الشقاق واترفض علشان اقول الشهود ولسه فى استئناف هل هيتقبل
السلام عليكم ورحمه الله وبركاته دلوقتي عندي مشكله و محتاج اعرف اتصرف فيها ازاي ....معزتي راحت عند جاري و اكلت برسيم و بعد شويه دخلت الحظيره بتاعتي ...عيال جاري جم خدوها من حظيرتي و حبسوها عندهم و مش راضيين يسيبوها و قولت لجار لينا تاني قالهم و مش راضيين يسيبوها اتصرف ازاي اتصل بالنجده و لا اعمل ايه
ازاي اطلع شهادة ميلاد لجدي المتوفي وانا معرفش اسم والدته ؟
عندي شقة تمليك مأجرها لزوجين حصل بينهم خلافات والزوجة رافعة خلع وعملت تمكين مشترك وانا عامل قضية طرد واول درجة حكمت بطرد الزوج فقط وهاعمل استئناف... الزوجة زورت عقد إيجار للشقة بإسمها وراحت تقدم ع مرافق للشقة.... اشتغل ع موضوع التزوير ازاي.... محضر تزوير ولا دعوي ع طول !! وممكن استعين بالتزوير ده ف استئناف الطرد !!!