"انضم إلى منصة "جبهذ" أول منصة تواصل عربية لتسهيل الحصول على المعلومات القانونية
ياسر جمال المحامي
إيه سبب نفقة الزوجية وشروط استحقاقتها
نفقه_الزوجيه : ناس كتير فاهمه الموضوع غلط علشان كده حنوضح الموضوع شويه ونحاول نبسطه . 1- الست طول ماهي على ذمه جوزها ليها نفقه زوجيه نظير انها مراته يعني بمجرد الطلاق مالهاش نفقه زوجيه ليها حقوقها الشرعيه فقط عده ومتعه ومؤخر صداق. 2- الزوجه ليها نفقه زوجيه زي الأطفال بالظبط بنوعيها ( مأكل وملبس) او بأنواعها الثلاثه ( مأكل وملبس ومسكن) وطبعا ماينفعش تطلب نفقه زوجيه بأنواعها الثلاثه وكمان تاخد تمكين مشترك هي حاجه واحده بس. 3- الزوجه ليها نفقه سواء عندها فلوس أو لا عندها ميراث او لا سواء بتشتغل او لا حتي ولو كانت الشقه بإسمها. 4- الزوجه ليها نفقه طول ماهي على ذمه جوزها سواء عنده في البيت أو عند اهلها او عند اختها او عند جارتها او حتي في شقه لوحدها . 5- الزوجه لو رفعت قضيه نفقه زوجيه القاضي بيحكم بالنفقه حتي لو الزوج بيصرف عادي القاضي بيعتبر ان مجرد رفع الدعوي هو دليل على عدم الإنفاق حتقولي طيب لو اثبت ان انا بصرف حقولك حيحكم بالنفقه برضو . 6- الزوجه من حقها تطلب نفقه زوجيه عن سنه قديمه مش اكتر من كده إنما في الأغلب القاضي بيحكم من تاريخ التسويه أو رفع الدعوي. 7- نفقه الزوجيه مش بتقف الا بالطلاق او حكم بالنشوز.
نفقه الزوجية حق من حقوق الزوجه وليس لها سبب
