"انضم إلى منصة "جبهذ" أول منصة تواصل عربية لتسهيل الحصول على المعلومات القانونية
بدون اسم
هو لو رفعت قضية نفقة على زوجى وهو مرتبه حوالى ٨٠٠٠ وبيشتغل موظف حكومة وعندى تلات أولاد ابنى الصغير ٨سنين وابنى التانى وبنتى فى الجامعة....ممكن المحكمة تحكم بكام وفى وقت اد إيه.....وازاى هاخد النفقة اللى هتحكم بيها المحكمة يعنى هاخدها من المحكمة ولا هبقى تحت رحمته كل شهر .علما بأننا مش مطلقين بس منفصلين كل واحد فى شقة
هاترفعي زوجيه وصغار وممكن ترفعي نفقه مصاريف دراسيه أيضا بخلاف نفقتك ونفقه الاولاد وجه عمله سوف تصرف لك كل شهر مبلغ النفقه في حدود 4000وممكن تعملي بالمحكمة التابعه له توكيل بالتنفيذ للمحضرين لاستيفاء المبلغ ولو مدفعش يتم الحجز عليه علي اي منقولات يمتلكها لحين السداد ولو لم يسدد بتتحول تبديد وياخد حكم حبس وغصب عنه لازم يدفع
هترفعي دعوى نفقة زوجية ونفقة للصغار وهيتحكم ليكي ولاولادك وتستلمي الصيغة التنفيذية من المحكمة ومكان شغل زوجك هيصرف ليكي النفقة كل شهر وهتكون في حدود 4 الاف واكتر
