للسادة المحاميين جوزي خرجني من شقتي ب ٣عيال ورفض يرجعني وقال إنه عاوز يطلقني فرفضت الطلاق وقعدت في شقة ايجار حلا للمشكلة وطلبت مصاريف عياله بعتهم وبعد كدا صاحب الشقة خرجني منها عشان عاوز يبيعها فاضطريت ابيع دهبي واشتريت الشقة تمليك وطلبت من جوزي يبعتلنا نكمل باقي تمن الشقة فبعت مبلغ تكملة واشتريت وحاولنا معاه كتير تاني للصلح برده رفض تماما وعيشت اربي عيالي وباخد منه مصاريفهم وبعد حوالي خمس سنين جالي اعلام بجوازه عليا روحت طلعت القسيمة لقيت جوازه كان عرفي من خمس سنين وعنده طفلة وموثقش رسمي الا بعد تاريخ ميلاد الطفلة بسنة ولما وثقه تم اعلامي دلوقتي انا بطلب منه يرجعلي دهبي وياخد الشقة باسمه هوه انا هعمل ايه بالشقة ودهبي ليه قيمة عن الشقة ومحتاجاه لو جرالي حاجة وهوه كدا كدا مكلف بشقة لولاده وانا قاعداله فيها عليهم بقضي عومري خدامة ودادة بربيهومله لوحدي فيها واكتشفت انه قادر جدا و لأن الدهب قيمته بتذيد وانا مكنتش اعرف أنه غني وفاتح من ورا توفيرنا ليه بيت تاني فمعنديش استعداد أضحي بمليم تاني من معايا بعد ما عرفت أنه متجوز علينا فهوه رافض يرجعلي دهبي وينقل الشقة باسمه وعاوز يطلقني وانا برده رفضت الطلاق بيجيب راجلين تلاتة يقولوا حقها كذا ويحكموا بشوية ملاليم ويحددوا مبلغ صغير جدا مصاريف للعيال وانا برفض الطلاق عشان مصاريف العيال تفضل ماشية زي ما هما مش قليلة زي بعد الطلاق فبيهددني انه هيروح يطلقني غيابي لو هوه فعلا نفذ وطلق غيابي اعرف ازاي ؟ واعمل ايه بعدها ؟